កម្រងព័ត៌មានសិក្សា ថ្នាក់បរិញ្ញាបត្រ

នៅសាខាសាកលវិទ្យាល័យព្រះសីហនុរាជ

ខេត្តបាត់ដំបង

ឯកទេស ៖ ភាសាអង់គ្លេស

១.បេសកកម្ម

ដើម្បីឆ្លើយតបទៅនឹងចក្ខុវិស័យ ពុទ្ធិកមហាវិទ្យាល័យភាសាបាលី-សំស្រ្កឹត និងភាសាបរទេស បានកំណត់នូវបេសកកម្ម សម្រាប់ការបណ្តុះបណ្តាល ដល់សមណនិស្សិត និស្សិត ដូចជា៖

• រួមចំណែក ក្នុងការលើកកម្ពស់ធនធានមនុស្ស ក្នុងវិស័យអក្សរសាស្រ្តពុទ្ធនិយម​ និងភាសាអង់គ្លេស ប្រកបដោយចំណេះដឹង ជំនាញវិជ្ជាជីវៈ និងទំនួលខុសត្រូវខ្ពស់
• បណ្តុះបណ្តាលសមណនិស្សិត និស្សិត ឱ្យក្លាយជាអ្នកស្រាវជ្រាវខាងផ្នែកអក្សរសាស្រ្តពុទ្ធនិយម អ្នកកវីនិពន្ធ         គ្រូបង្រៀន អ្នកបកប្រែភាសា ស្របតាមភាពរីកចម្រើននៃវិស័យអប់រំជាតិ និងសកល
• ផ្តល់ឱ្យសមណនិស្សិត និស្សិតនូវសេរីភាពសិក្សា និងសេវាសិក្សា ពេញលេញ ទាំងក្នុងក្របខណ្ឌទ្រឹស្តី និងការអនុវត្តជាក់ស្តែង តាមរយៈចំណេះដឹង ការស្រាវជ្រាវ និងនវានុវត្តភាពសិក្សា លើមូលដ្ឋានគ្រឹះសំខាន់នៃចលនាអក្សរសិល្បិ៍ វិធីសាស្រ្តតែងនិពន្ធ ប្រវត្តិភាសា  និងការវិវឌ្ឍភាសាបាលីសំស្រ្កឹត និងអង់គ្លេស
• បណ្តុះបណ្តាលសមណនិស្សិតនិស្សិត ប្រកបក្រមសីលធម៌ និងអភិសមាចារខ្ពស់ ឆ្លើយតបទៅនឹងជំនាញវិជ្ជាជីវៈការងារ និងបរិយាប័ន្នសង្គម ស្របតាមតម្រូវការសង្គម
• លើកតម្កើង និងផ្សព្វផ្សាយ អក្សរសាស្រ្តពុទ្ធសាសនា ជាពិសេសការសិក្សាភាសាបាលីសំស្រ្កឹត តាមរយៈការផ្តល់នូវចំណេះដឹង បំណិន និងសីលធម៌ ទាំងបច្ចុប្បន្ន ក៏ដូចជាអនាគត ក្នុងចំណោមសមាជិកប្រជាជាតិអាស៊ាន ក៏ដូចជា    បណ្តាប្រទេសលើសកលលោក
• រួមចំណែកលើកស្ទួយសេដ្ឋកិច្ចរស់នៅ និងការប្រាស្រ័យទំនាក់ទំនងអន្តរបុគ្គលកាន់តែប្រសើរ និងសម្បូរបែប ក្នុងក្របខ័ណ្ឌគោលនយោបាយសមាហរណកម្មសេដ្ឋកិច្ច   អាស៊ាន  ទីផ្សារសេរី សាកលភាវូបនីយកម្ម  និងបច្ចេកវិទ្យាភាវូបនីយកម្ម

២. គោលបំណង

• លើកកម្ពស់ការយល់ដឹងរបស់សមណនិស្សិតនិស្សិត ឱ្យកាន់តែទូលំទូលាយ ស្តីពីសារៈសំខាន់នៃមុខងារ និងវិសាលភាពនៃភាសាបាលីសំស្រ្កឹត ទម្រង់អក្សរសិល្បិ៍   វិធីសាស្រ្តតែងនិពន្ធ ភាសាវិទ្យានុវត្តន៍ មត៌កពុទ្ធសាសនាក្នុងវប្បធម៌ខ្មែរ និងភាសាយានក្នុងបរិបទយុគសម័យទំនើប
• ពង្រឹងសមត្ថភាពជំនាញរបស់សមណនិស្សិតនិស្សិត ស្របទៅនឹងតម្រូវការទីផ្សារ និងការអភិវឌ្ឍសង្គម ឈរលើមូលដ្ឋានចម្បងៗ នៃការបណ្តុះបណ្តាល រួមមាន៖  បញ្ញាសម្បទា បំនិនសម្បទា និងចរិយាសម្បទា ប្រកបដោយសង្គតិភាព
• រួមចំណែកលើកកម្ពស់គោលការណ៍អភិបាលកិច្ចគ្រប់គ្រង គុណវុឌ្ឍិសិក្សា និងសមត្ថភាពវិជ្ជាជីវៈគ្រូបង្រៀន ដោយឈរលើមូលដ្ឋាននៃការអប់រំសម្រាប់ទាំងអស់គ្នា និងការអប់រំពេញមួយជីវិត ប្រកបដោយចីរភាព
• ពង្រឹងសមត្ថភាពសិក្សា និងជំនាញរបស់សមណនិស្សិត និស្សិត តាមរយៈការអភិវឌ្ឍសមត្ថភាពស្រាវជ្រាវ ព័ត៌មានវិទ្យា និងសារគមនាគមន៍ (ICT) និងជំនាញទំនាក់ទំនងអន្តរបុគ្គល ស្របតាមកាលៈទេសៈ និងវឌ្ឍនភាពសង្គម
• បង្កើននូវសមត្ថភាព និងជំនាញផ្នែកស្រាវជ្រាវខាងអក្សរសាស្រ្តពុទ្ធនិយម សិល្បិ៍វិធីនៃការតែងនិពន្វ និងបរិវត្តន៍ភាសានីមួយៗ ដល់សមណនិស្សិតនិស្សិត ស្របតាមការអភិវឌ្ឍ និងវឌ្ឍនភាពនៃសង្គមជាតិ សេដ្ឋកិច្ច និង       បច្ចេកវិទ្យា

៣. រចនាសម្ព័ន្ធពុទ្ធិកមហាវិទ្យាល័យ ភាសាបាលី-សំស្រ្កឹត និងភាសាបរទេស

៤. ចំនួនក្រេឌីត និងមុខវិជ្ជាសិក្សា

សម្រាប់ពុទ្ធិកមហាវិទ្យាល័យទស្សនវិជ្ជា និងពុទ្ធសាសនា មានឯកទេសចំនួន ២ គឺ ភាសាបាលី និងអក្សរសាស្រ្តអង់គ្លេស។ ដោយក្នុងនោះ ឯកទេសសិក្សានីមួយៗ  ក្រេឌីតសិក្សា មានចំនួនសរុប ១៤៥ ក្រេឌីត ដោយក្នុងនោះ ១ក្រេឌីត ស្មើនឹង១៥ ម៉ោង អនុលោមតាមប្រកាសរបស់ក្រសូង ធម្មការ និងសាសនា នៃព្រះរាជណាចក្រកម្ពុជា លេខ ៣៦/១៦   ក.ធ.ស ប្រ.ក ចុះថ្ងៃ ១ រោច ខែចេត្រ ឆ្នាំវក អដ្ឋស័ក ព.ស ២៥៥៩ ត្រូវនឹងថ្ងៃទី ២២ ខែមេសា ឆ្នាំ ២០១៦ ស្តីពី “​ការដាក់ឱ្យអនុវត្តកម្មវិធីពុទ្ធិកសិក្សាថ្នាក់បរិញ្ញបត្រ”។ ដូចនេះ សមណនិស្សិត និស្សិត តម្រូវឱ្យសិក្សារយៈពេលពេញ ៤ឆ្នាំ ដោយបែងចែកជាចំនួនក្រេឌីត ទៅតាមឆ្នាំសិក្សានីមួយៗ ដូចខាងក្រោម៖

ចំនួនក្រេឌីតសិក្សា

៤.១. ចំនួនក្រេឌីត និងមុខវិជ្ជាសិក្សា សម្រាប់ឯកទេសភាសាបាលី

ដើម្បីឆ្លើយទៅនឹងគោលបំណង ការបណ្តុះបណ្តាល និងគុណវុឌ្ឍិសិក្សារបស់សមណនិស្សិតនិស្សិត ក្នុង ក្របខណ្ឌកម្រិតគុណវុឌ្ឍិសិក្សាថ្នាក់បរិញ្ញាបត្រ សាខាពុទ្ធិកសាកលវិទ្យាល័យ ខេត្តបាត់ដំបង បានអនុវត្តតាមកម្មវិធីពុទ្ធិកសិក្សាថ្នាក់បរិញ្ញាបត្រ នៃឯកទេសភាសាអង់គ្លេស ដែលបានសិក្សាស្រាវជ្រាវ និងចងក្រងនូវមុខវិជ្ជាសិក្សាមានប្រព័ន្ធ ទៅតាមឆ្នាំសិក្សានីមួយដូចខាងក្រោម៖