សេចក្តីផ្តើម  

      សាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបង គឺជាគ្រឹះស្ថានឧត្តមសិក្សារបស់រដ្ឋ ដែលត្រូវបានបង្កើតឡើងតាម ប្រកាសលេខៈ ១៧៥ អយក.ប្រក ចុះថ្ងៃទី០៤ ខែកុម្ភៈ ឆ្នាំ២០០៨ ស្តីពីការបង្កើតសាខាពុទ្ធិកសាកលវិទ្យាល័យព្រះសីហនុរាជ នៅទីរួមខេត្តបាត់ដំបង មានអក្សរ កាត់ថា ព.ស.ស.ប.ប។ ពុទ្ធិកសាខាសាកលវិទ្យាល័យព្រះសីហនុរាជ ខេត្តបាត់ដំបង មានទីតាំងស្ថិតនៅក្នុងវត្តដំរីស ភូមិ កម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង បានដំណើរការបណ្តុះបណ្តាលធនធានសមណនិស្សិត និស្សិត កម្រិតឧត្តមសិក្សា តាមកម្មវិធីបណ្តុះបណ្តាលរបស់ពុទ្ធិកសាលវិទ្យាល័យព្រះសីហនុរាជ (ភ្នំពេញ) និង ស្របតាមកម្មវិធីដែលចង្អុលបង្ហាញដោយគណៈកម្មាធិការទទួលស្គាល់គុណភាពអប់រំនៃកម្ពុជា និង ក្រសួងធម្មការ និង សាសនា ។សិក្សានុសិស្សដែលមានបំណងចង់ចូលសិក្សាថ្នាក់ បរិញ្ញាបត្រ

នៅសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបងត្រូវមានលក្ខខណ្ឌមួយចំនួនដូចតទៅ:

១. លក្ខខណ្ឌចូលរៀន

 សិក្សានុសិស្សដែលមានបំណងចង់ចូលសិក្សាថ្នាក់ បរិញ្ញាបត្រនៅសាខាពុទ្ធិកសាកលវិទ្យាល័យព្រះសីហនុរាជ ខេត្តបាត់ដំបងត្រូវមានលក្ខខណ្ឌមួយចំនួនដូចតទៅ:       

• មានសញ្ញាបត្រពុទ្ធិកមធ្យមសិក្សាទុតិយភូមិ ឫ សញ្ញាបត្រដែលមានតម្លៃស្មើ
• មានសញ្ញាបត្ររងពីសាកលវិទ្យាល័យ ឫ ពីគ្រឹះស្ថានឧត្តមសិក្សាណាមួយ
• ប្រឡងជាប់ក្នុងការប្រឡងប្រជែង (Pass in a competitive entrance examination)

២. ពេលសិក្សា

• ឆមាសទី១: ខែឧសភា ដល់ខែកញ្ញា
• ឆមាសទី២: ខែតុលា ដល់ខែកុម្ភៈ
• ការឈប់សម្រាក: ខែមីនា និងខែមេសា និង២សប្តាហ៍ឈប់សម្រាកចាប់ពីខាងចុងនៃចូលវស្សា ក្នុងកំឡុងឆ្នាំសិក្សានីមួយៗ។

៣. ភាសាយាន

• ភាសាខ្មែរ គឺជាយាន ដោយមានភាសាបរទេសជាភាសាជំនួយ។

៤. ការបំពេញបែបបទចូលរៀន

• ការទទួលពាក្យសុំចូលរៀននឹងប្រព្រឹត្តទៅតាមការប្រកាសជូនដំណឹងជាសាធារណៈរបស់ ព.ស.ស.ប.ប តាមប្រព័ន្ធផ្សព្វផ្សាយនានា។
• ទម្រង់ពាក្យសុំចូលរៀនទាំងអស់នឹងត្រូវកំណត់ដោយ ព.ស.ស.ប.ប។
• បេក្ខជនត្រូវដាក់ពាក្យសុំចូលរៀន ដោយភ្ជាប់មកជាមួយនូវសញ្ញាបត្រ ដែល បានថតចម្លងត្រឹមត្រូវ ព្រមទាំងឯកសារពាក់ព័ន្ធដទៃទៀត។ សាលាមានសិទ្ធិគ្រប់គ្រាន់ការស្នើសុំឯកសារពាក់ព័ន្ធ ផ្សេងទៀតក្នុងករណីចាំបាច់។
• ពាក្យសុំចូលរៀនដែលបានបំពេញត្រឹមត្រូវគប្បីយកមកប្រគល់ជូនគណៈគ្រប់គ្រងនៃព.ស.ស.ប.បតាមពេលវេលាដូចបានកំណត់នៅក្នុងសេចក្តីប្រកាសជូនដំណឹង។
• ពាក្យសុំចូលរៀននីមួយៗនឹងត្រូវពិនិត្យវាយតម្លៃ និងសម្រេចដោយគណៈគ្រប់គ្រងនៃ ព.ស.ស.ប.ប។ ក្នុងករណីចាំបាច់គណៈគ្រប់គ្រងអាចតម្រូវឲ្យបេក្ខជន មកបង្ហាញខ្លួន ឫធ្វើការប្រឡងផ្ទាល់មាត់មុននឹងអនុញ្ញាតឲ្យចូលរៀន។

៥. ការចុះឈ្មោះចូលរៀន

• បេក្ខជនដែលត្រូវបានអនុញ្ញាតឲ្យចុះឈ្មោះចូលរៀនត្រូវអនុវត្ត តាមបទបញ្ញត្តិ និងលក្ខខណ្ឌនានារបស់ ព.ស.ស.ប.ប។
• បេក្ខជនដែលមិនបានផ្តល់នូវឯកសារគ្រប់គ្រាន់ នៅពេលចុះឈ្មោះដំបូងនឹងត្រូវបានចុះឈ្មោះ ជាសមណនិស្សិត-និស្សិតបណ្តោះអាសន្ន ហើយនៅពេលផ្តល់ឯកសារគ្រប់គ្រាន់បេក្ខជននឹងក្លាយទៅជាសមណនិស្សិត-និស្សិតពេញសិទ្ធិ។
• បេក្ខជនដែលបានដាក់ពាក្យសុំចូលរៀនរួចហើយ ត្រូវឆ្លងកាត់ការប្រឡងវាយតម្លៃដើម្បីទទួលសិទ្ធិចូលរៀន។
• សមណនិស្សិត-និស្សិតដែលបានចុះឈ្មោះចូលរៀនហើយ ប៉ុន្តែមិនអាចបន្ត ការសិក្សាបានអាចស្មើសុំព្យួរការសិក្សាជាលាយលក្ខ័ណ៍អក្សរ មកកាន់គណៈគ្រប់គ្រងហើយអាចដាក់ពាក្យ សុំចូលរៀនសារជាថ្មីក្នុងរយៈពេលកំណត់។
• ពុទ្ធិកសាកលវិទ្យាល័យនឹងលុបឈ្មោះសមណនិស្សិត-និស្សិតដែលបានចុះឈ្មោះចូលរៀនហើយ ប៉ុន្តែ មិនអាចបន្ត ការសិក្សាបានអាចស្នើសុំព្យួរការសិក្សាជាលាយលក្ខណ៍អក្សរមកកាន់គណៈគ្រប់គ្រងហើយអាចដាក់ពាក្យ សុំចូលរៀនសារជាថ្មីក្នុរយៈពេលកំណត់។
• ពុទ្ធិកសាកលវិទ្យាល័យនឹងលុបឈ្មោះសមណនិស្សិត-និស្សិតចេញពីបញ្ជី ក្នុងករណីសមណនិស្សិត-និស្សិតមិនអាចបុះពេញតាមលក្ខខណ្ឌនៃការសិក្សា។
• ការព្យួរការសិក្សានឹងមិនអនុញ្ញាតិលើសពីមួយឆ្នាំឡើយ។

៦. ការប្រឡង

• សមណនិស្សិត-និស្សិតដែលបានសិក្សាមុខវិជ្ជានីមួយៗរួចហើយ ត្រូវប្រឡងបញ្ចប់មុខវិជ្ជាទាំងនោះជាចាំបាច់។
• សមណនិស្សិត-និស្សិតដែលមានសិទ្ធិប្រឡងបញ្ចប់មុខវិជ្ជានីមួយៗ ទាល់តែបំពេញលក្ខខណ្ឌនៃការសិក្សាគ្រប់គ្រាន់។
• សមណនិស្សិត-និស្សិតដែលបានបញ្ចប់ថ្នាក់បរិញ្ញាបត្រអាចស្នើសុំ លិខិតបញ្ជាក់ការសិក្សា ឫសញ្ញាបត្របណ្តោះអាសន្នពី ព.ស.ស.ប.ប បាន។
• ពិធីប្រគល់សញ្ញាបត្រនឹងត្រូវរៀបចំនៅថ្ងៃ និងពេលវេលាសមស្របណាមួយកំណត់ដោយ ព.ស.ស.ប.ប ។

៨.ប្រព័ន្ធក្រេឌីត

• វគ្គសិក្សាបរិញ្ញាបត្រជាន់ខ្ពស់នឹងរៀបចំតាមប្រព័ន្ធក្រេឌីត។ មុខវិជ្ជាចម្បងនិងមុខវិជ្ជាជ្រើសរើសនីមួយៗទទួលបាន៣ក្រេឌីត។
• មុខវិជ្ជា ចម្បង មាន២៤ ក្រេឌីត
• មុខវិជ្ជាជ្រើសរើស មាន១៨ ក្រេឌីត
• និក្ខេបបទ មាន១២ ក្រេឌីត
• សរុបទាំងអស់ មាន ៥៤ ក្រេឌីត។

៩.ប្រព័ន្ធពិន្ទុសម្រាប់ការសិក្សាមុខវិជ្ជា

១០.ការវាយតម្លៃ និងការផ្ដល់ពិន្ទុ

• ការមករៀនទៀងទាត់ ត្រូវបាន ១០ពិន្ទុ
• កិច្ចការស្រាវជ្រាវ ត្រូវបាន ២០ពិន្ទុ
• ការប្រឡងត្រីមាស ត្រូវបាន ៣០ពិន្ទុ
• ការប្រឡងឆមាស ត្រូវបាន ៤០ពិន្ទុ

១១.ប្រព័ន្ធពិន្ទុសម្រាប់ការវាយតម្លៃនិក្ខេបបទ

១២.ការបង់ថ្លៃ

• ការបង់ថ្លៃសម្រាប់កម្មវិធីសិក្សានីមួយៗ នឹងត្រូវកំណត់ដោយគណៈគ្រប់គ្រងនៃ ព.ស.ស.ប.ប។
• ការចំណាយក្នុងការសរសេរនិងការ ការពារនិក្ខេបបទ គឺជាបន្ទុករបស់សមណនិស្សិត និស្សិត គ្រប់រូប។
• រាល់ការបង់ថ្លៃសិក្សាដែលបានធ្វើរួច ហើយមិនអាចសុំដកវិញបានឡើយ។