ឯកទេសៈ ទស្សនវិជ្ជា Post Date: 06 September , 2020
ថ្នាក់បរិញ្ញាបត្រជាន់ខ្ពស់នេះមានគោលបំណងផ្ដល់ដល់សមណនិស្សិត និស្សិតនូវចំណេះដឹងស៊ីជម្រៅ ប្រកបដោយសមត្ថភាពខ្ពស់ក្នុងការស្រាវជ្រាវ និងយល់ដឹងនៅក្នុងវិស័យទស្សនវិជ្ជា ដែលធ្វើឲ្យសមណនិស្សិត និស្សិត ស្វែងរកឃើញព្រំដែនកំណត់ថ្មី។ សមណនិស្សិត និស្សិតដែលមានសញ្ញាបត្របរិញ្ញាបត្ររបស់ខ្លួនមិនពាក់ព័ន្ធនឹងមុខវិជ្ជាទស្សនវិជ្ជា នឹងតម្រូវឲ្យសិក្សាវគ្គបំប៉ន់មួយជាចាំបាច់ ដែលមានរយៈពេល១ឆមាស។
១. លក្ខខណ្ឌសម្រាប់ការដាក់ពាក្យសុំចូលរៀន
បេក្ខជនដែលមានបំណងចង់ចូលសិក្សាវគ្គបរិញ្ញាបត្រជាន់ខ្ពស់នេះ ត្រូវមានគុណវុឌ្ឍិដូចខាងក្រោម៖
*បរិញ្ញាបត្រពី ព.ស.ស.ប.ប. ឯកទេស
-ទស្សនវិជ្ជាពុទ្ធសាសនា
-ភាសាបាលី និង សំស្រ្កឹត
*បរិញ្ញាបត្រនិងបញ្ចប់វគ្គបំប៉នរៀបចំដោយ ព.ស.ស.ប.ប.
*បរិញ្ញាបត្រពីសាកលវិទ្យាល័យដទៃក្នុងឯកទេស
-ពុទ្ធសាសនវិទ្យា
-ទស្សនវិជ្ជា
-ភាសាបាលី
-ភាសាសំស្រ្កឹត
*បរិញ្ញាបត្រពីសាកលវិទ្យាល័យដទៃ និងមានវិញ្ញាបនបត្រវគ្គសិក្សាទស្សនវិជ្ជាកម្រិតឌីប្លូមពីបរទេស
*បរិញ្ញាបត្រដែលមានម្លៃស្មើទទួលស្គាល់ដោយគណៈគ្រប់គ្រង ព.ស.ស.ប.ប.
២. តម្រូវការសម្រាប់វគ្គសិក្សា
សមណនិស្សិត និស្សិត តម្រូវឲ្យសិក្សាបួនមុខវិជ្ជាក្នុងមួយឆមាស ដែលរៀបចំឡើងដោយព.ស.ស.ប.ប. ។ និស្សិតនឹងតម្រូវឲ្យសរសេរនិក្ខេបបទ ទាក់ទិននឹងប្រធានបទណាមួយ ដែលបានអនុញាតដោយ ព.ស.ស.ប.ប.។ ការសរសេរត្រូវធ្វើឡើងក្រោមការណែនាំរបស់សាស្រា្ដចារ្យដែលបានតែងតាំងដោយ ព.ស.ស.ប.ប.។ ប្រធានបទនិងគម្រោងនិក្ខេបបទ ត្រូវដាក់ជូន ព.ស.ស.ប.ប. នៅឆមាសទីបី និក្ខេបបទដែលបានឯកភាពពីសាស្រ្ដាចារ្យដឹកនាំត្រូវដាក់ពាក្យជូនគណៈគ្រប់គ្រង និងតម្រូវឲ្យការពារតាមការកំណត់។
៣. ការប្រឡងថ្នាក់បរិញ្ញាបត្រជាន់ខ្ពស់
ការប្រឡងនឹងប្រព្រឹត្តទៅនៅពេលការសិក្សាមុខវិជ្ជានីមួយៗត្រូវបានបញ្ចប់។
៤.ការសរសេរនិក្ខេបបទ
-សមណនិស្សិត និស្សិតត្រូវជ្រើសរើសប្រធានបទនិក្ខេបបទហើយដាក់ជូនគណៈគ្រប់គ្រងក្នុងខែទី១ ឆមាសទី៣ និងដាក់នូវ គម្រោងនិក្ខេបបទ ក្នុងខែទី៥ ឆមាសទី៣ ។
-និក្ខេបបទដែលទទួលបានការយល់ព្រមពីសាស្រ្ដាចារ្យដឹកនាំរួចហើយត្រូវប្រគល់ជូនគណៈគ្រប់គ្រង ក្នុងរយៈពេល៦ខែ ចាប់តាំងពីថ្ងៃដែលទទួលបានការអនុញាត ជាលាយលក្ខណ៍អក្សរ។
-សមណនិស្សិត និស្សិតអាចសរសេរនិក្ខេបបទរបស់ខ្លួនជាភាសាខ្មែរ ឬភាសាអង់គ្លេស។
-សមណនិស្សិត និស្សិតដែលមានបំណងចង់ផ្លាស់ប្ដូរប្រធានបទ វិសាលភាព ឬមាតិកានៃនិក្ខេបបទ ត្រូវសរសេរលិខិតស្នើសុំជាលាយលក្ខណ៍អក្សរមកកាន់គណៈគ្រប់គ្រង។
-គណៈគ្រប់គ្រងអាចអនុញាតឲ្យមានការផ្លាស់ប្ដូរក្នុងករណីចាំបាច់ ដោយមានលក្ខខណ្ឌតាមភាពជាក់ស្ដែង។
៥.ប្រព័ន្ធក្រេឌីត
វគ្គសិក្សាបរិញ្ញាបត្រជាន់ខ្ពស់នេះនឹងរៀបចំតាមប្រព័ន្ធក្រេឌីត។ មុខវិជ្ជាចម្បងនិងមុខវិជ្ជាជ្រើសរើសនីមួយៗទទួលបាន ៣ក្រេឌីត។
-មុខវិជ្ជាចម្បង មាន ១៨ ក្រេឌីត
-មុខវិជ្ជាជ្រើសរើស មាន ២៤ ក្រេឌីត
-និក្ខេបបទ មាន១២ ក្រេឌីត
-សរុបទាំងអស់ មាន៥៤ ក្រេឌីត។
មុខវិជ្ជាសិក្សា (M) |
|||
|---|---|---|---|
ល.រ |
លេខកូដ |
មុខវិជ្ជាចម្បង |
ផ្សេងៗ |
| ០១ | AWP651 | ទស្សនវិជ្ជាបស្ចឹមប្រទេសសម័យបុរាណ | |
| ០២ | IPH652 | ទស្សនវិជា្ជឥណ្ឌា | |
| ០៣ | APH653 | ទស្សនវិជា្ជបូព៌ាប្រទេស | |
| ០៤ | KPH654 | ទស្សនវិជា្ជខ្មែរ | |
| ០៥ | RPH655 | ទស្សនវិជា្ជសាសនា | |
| ០៦ | MPH658 | ទស្សនវិជា្ជសម័យទំនើប | |
មុខវិជ្ជាជ្រើសរើស (E) |
|||
| ០៧ | MBP609 | ទស្សនវិជា្ជពុទ្ធសាសានមហាយាន | |
| ០៨ | CPH657 | ទស្សនវិជា្ជប្រៀបធៀប | |
| ០៩ | TBP604 | ទស្សនវិជា្ជពុទ្ធសាសនាថេរវាទ | |
| ១០ | LOE659 | តក្កវិទ្យា និងពុទ្ធវិទ្យា | |
| ១១ | BUP607 | ចិត្តវិទ្យាពុទ្ធសាសនា | |
| ១២ | PSY656 | ចិត្តវិទ្យា | |
| ១៣ | RMT617 | វិធីសាស្រ្ដស្រាវជ្រាវ និងសរសេរនិក្ខេបបទ | |
| ១៤ | PHL660 | ទស្សនវិជា្ជច្បាប់ | |
*កំណត់សម្គាល់៖ ឯកទេស ទស្សនវិជា្ជ មានលេខកូដពីលេខ 651 ដល់ 700